令人闻风丧胆、在食货界大名鼎鼎嘅四大名"煲"，食神都话正，仲有男神老板！
2014/12/3 广州笋嘢益街坊
最近小编惊闻广州城内有一间轰动全城嘅开锅专家，皆因佢有镇店之宝“四大名捕”，人人都无法抗拒佢哋嘅魅力，连食神韬哥都要去捧场!四大名捕都出咗嚟？!係咪真噶？!唔得，我一定要去探一探!GO!GO!GO!
来到赤岗北路嘅四季天地，一落车就见到呢间聚会四季轩大大幅嘅广告牌。咩话？!三斤重无敌蟹王？!秘汁跳!跳!鱼？!宜家兴玩呢D嘅咩？呢一瞬间，我嘅三观即刻被刷新。
嚟到四季轩门口，超大一张我偶像食神韬哥嘅型仔相挂喺墙边，不过!佢旁边嗰位仲靓仔嘅男士係边个？!莫非係四季轩嘅老板？我花痴模式即时全开，打起十二分精神，昂首踏步行入四季轩，搵个靓位坐落嚟再慢慢?。
靓仔老板就仲未望到，不过呢度嘅环境就好雅致啦，有一种民国时期上流人家嘅感觉，充满东方韵味嘅磨砂屏风，仲有玲珑璀璨嘅鱼形灯，细节尽显不凡。
好奇心作祟，都係快D问下服务员“四大名捕”喺边度!结果个服务员笑笑口话，唔係四大名捕，而係“四大名煲”!
NO.1/秘汁跳跳鱼窝
所谓嘅跳跳鱼，即係黄骨鱼，因为黄骨鱼劏完之后神经仲会比较丰富，倒入汤底之后可能会扎扎跳，所以又叫跳跳鱼。咁新鲜肥美嘅黄骨鱼，都只係48元/斤，仲要买二送一添!
不过你又唔使惊D鱼会跳出嚟吓亲人，因为四季轩会用个特殊容器罩住D鱼，等佢哋煮熟得差唔多，先再撤走。
汤底係四季轩用鱼骨以及十几种材料经过长时间熬制嘅，加入咗好几种从四川运返嚟嘅辣椒，令汤底更加惹味。
煮熟嘅跳跳鱼肉质细嫩，味道好鲜甜。因为黄骨鱼冇肌间刺，所以食起身唔使咁小心翼翼。
值得一赞嘅係食呢个跳跳鱼窝，四季轩仲会提供一份佢哋嘅独门秘制酱汁，听闻係有好几种香料调制嘅，我就食得出有柠檬丝、香茅、咖喱、柱候酱啦，仲有其它好特别嘅香味，不过就真係唔知四季轩係点调制出嚟嘅，因为个酱料真係好好味，搞到我好想整番一罐带走!
NO.2/蟹炆乳鸽
呢煲蟹炆鸽就认真无敌啦，一眼望落去全部都係肉，乳鸽多到好似唔使钱!乳鸽炆到好入味，汤底加入埋年糕以及菌菇落去炆，所以会比较清甜。
四季轩仲好贴心噉准备咗一次性手套畀客人食海鲜嘅时候用，噉就唔使食到只手油笠笠啦，相当细心。等我食番只蟹钳先，哇，蟹肉超级丰满!食起身好鲜甜，肉肥膏厚，而且吸收晒汤汁嘅野味，令蟹肉除咗鲜甜，仲多咗一份咸鲜。
NO.3/花蛤蟹煲
呢个花蛤蟹煲，就係用传说中嗰只三斤重嘅阿拉斯加大肉蟹嚟整嘅，超级生猛，我去睇佢嘅时候仲周围走。一时玩心起，想拎起身比下，竟然比我一个出咗名头大嘅朋友个头仲要大啊!果然係无敌蟹王!
用花蛤嚟熬嘅浓汤，汤底配料仲有菇类、番茄、芹菜、洋葱等，咁多种食材熬出嚟嘅汤，口感好丰富!
望下个蟹钳，比我只手掌仲要大啊!咁有“钳”，唔怪得可以咁任性啦~~~哈哈哈!
NO.4/麻辣龙凤煲
龙凤煲即係俗称嘅龙虾鸡肉煲，不过四季轩呢度嘅龙虾鸡肉煲就唔止咁简单啦，係用原只大大只嘅波士顿龙虾做食材，加上生鲜鸡一只，出嚟嘅龙凤煲先叫真材实料!
而且呢煲龙凤煲嘅辣椒，係用咗好几种辣椒嘅，令辣味都可以丰富多彩。当呢个麻辣龙凤煲端上台嘅时候，嗰阵香辣味扑到埋嚟，嗰一瞬间，我血液里面嘅兴奋因子即时被激活!
龙虾颜色煲到红当当，睇落就够晒食欲。龙虾肉质好嫩滑，好鲜甜，并且同鸡肉嘅香味互相交织，过足肉瘾!
食完辣嘢，再饮一杯呢度逢点辣嘢必送嘅酸梅汤，冰凉清爽，饮得出唔係加酸梅粉入去冲嘅，而係实实在在用酸乌梅腌出嚟!饮一杯，可以将口中残留嘅麻辣味冲走，顺便消消滞。
古法羊肉煲
羊肉煲就食得多，不过古法羊肉煲就真係好少见，平时出面D羊肉煲唔係清汤就係酱汁炆，究竟呢个古法係咩味道，我真係好好奇~
四季轩呢度嘅羊肉好爽口，肉质好结实，食落口唔会好重臊味，问过服务员先知，原嚟係黑草羊，唔怪得肉质会咁结实。呢个古法，认真落足工夫，首先係用稻草烧香，再加姜葱爆香，既可以去臊味，又可以慢慢逼出羊肉香，一举两得!
驰名沙湾姜撞奶
值得一试嘅仲有四季轩嘅姜撞奶，比我喺西关食过嘅仲要好味!姜撞奶滑滑嫩嫩，睇起身够Q弹。一羹食入口，姜汁嘅甜辣味席卷味蕾，细细品尝，仲有牛奶嘅香醇，够晒地道风味!不过要记得趁热食，否则就会变水噶啦。
★★★福利到★★★
吃饱喝足，准备埋单嘅时候，我望到收银台嗰度出现咗一位高大健硕嘅型男!莫非佢就係嗰位靓仔老板？!天啊!佢係几时出现噶!!!
请容许我嘅花痴，我实在係忍唔住要静静鸡攞出手机偷拍，放上嚟畀大家鉴定下，係咪真係好有型~认真望下，发现佢竟然有D似四哥!你哋话係唔係？呢个只係侧面，正面睇仲靓仔!想睇嘅就要去四季轩捧场啦~
小编总结
喺广州打滚咗咁耐，大大细细嘅煲都算係食过，我深知要煲得出色，一定唔可以缺少耐性。做好一个煲容易，但係每一个煲都做得出色就有D难度。但係，聚会四季轩呢度，每一个煲都好精彩，无论係食材定係汤汁，都係真材实料用心调制，唔怪得魅力咁大，咁多回头客都嚟呢度食，连食神韬哥都抵受唔住诱惑啦。
优惠信息
1、黄骨鱼买两斤送一斤。
2、点辣煲即送每人一杯酸梅汤，数量有限，送完即止。
聚会四季轩
地址：海珠区赤岗北路118路四季天地北座2楼E06铺(珠江帝景)
电话：020-89309773
营业时间：11:00——14:30、17:00——22:30
http://www.duyihua.cn
返回 广州笋嘢益街坊 返回首页 返回百拇医药