带你去荔湾食性价比最高嘅粤菜，日日卖断市嘅大盘鱼，抵食程度爆晒灯！
2014/12/24 广州笋嘢益街坊
挨年近晚，一大波亲戚朋友准备杀到，相信家家户户都要准备聚会食饭嘅地点，如果问起我有没地方介绍，咁我就肯定会介绍大家去荔湾路动感小西关嘅一间平靓正粤菜酒家——原汁原味农家鸡，相信以呢到咁亲民嘅价钱，绝对可以成为聚会食饭嘅首选。
行入门口你就真係可以感受到点解我会话嚟呢到啦!满满嘅食客坐满大厅，就连二楼嘅房间同大厅一样係咁。放眼望去，广州传统嘅饭店装修，既有宽阔嘅大厅又有私隐十足嘅房间，加上半开放式嘅厨房，可以俾食客清楚咁睇到厨房嘅卫生环境，係到食嘢可谓既轻松又放心。
广州人食嘢出名嘴挑，食嘢都会选择平靓正嘅，当然作为一个土生土长嘅广州人，呢个咁“民族”嘅传统，当然都会体现係我身上啦。作为专做粤菜嘅原汁原味农家鸡，係味道方面绝对唔会差。唔讲咁多，都係叫老细快D上菜先。
白切猪手
真正做得好嘅白切猪手，切成薄片后上台，夹起身对住光线一照，就可以睇到肉质呈半透明状。呢到嘅白切猪手块块晶莹通透，食起身更加係块块爽口弹牙，配上师傅调制的蘸料：蒜泥、沙姜碎、芝麻、炸花生、香油、酱油、香菜，好惹味呢!最主要嘅係白切猪手作为呢到嘅招牌，大大一份都只係要38蚊，係同地段嘅酒家绝对揾唔到。
猪肚煲鸡
天寒地冻最好就係整翻煲猪肚煲鸡食下，猪肚食起身够晒爽口，鸡肉更係鲜嫩无比。两样嘢加埋一齐煮，鸡嘅鲜味充满係成煲汤里面，汤里浓中带清，有浓郁嘅药材味同胡椒香气，饮一啖汤就已经暖晒全身。家阵猪肚煲鸡仲要做紧特价，大大嘅一煲都係只要39蚊咋(不过记得啊，环市东店係没呢个优惠嘅)。
大盘鱼
大盘鱼好多人都食过，但係咁足料嘅大盘鱼相信係其它地方唔会咁轻易就有得食。水库皖鱼、花甲、烧肉、鱼肚、番茄……係鱼汤到浸熟，成盘嘢嘅鲜味同肉味充满係鱼入边。鱼肉食落口更加係鲜嫩没腥味，简直食到人停唔到口。
鸡汤炖腐竹
用鲜鸡煲出嚟嘅汤加上腐竹一齐炖，鸡嘅鲜味完全俾腐竹吸收晒。鸡汤里面一条条嘅鸡丝加埋腐竹一齐食，食起身就好似食紧一只鸡咁。
生煎排骨
呢个香煎排骨外脆内嫩，食起身一D韧嘅感觉都冇，听老细讲咁係因为係制作过程里面，猪肉係斜口切，听讲咁样切先可以嫩而唔韧咁话喔。
香煎马头鱼
作为咸水鱼嘅马头鱼最啱就係用嚟香煎，煎熟咗嘅马头鱼未食就已经够晒香，一啖食落口更加係鱼味十足。如果加埋黄豆酱一齐食，鱼嘅鲜味更加突出，食落去仲好香口添。
煎酿豆腐
豆腐虽然周街都有，但係呢到食嘅豆腐都係店家自己磨制。豆腐食落口好滑溜，加上因为煎咗嘅关系，所以豆嘅香味全部都被引晒出嚟。嫩滑而香口，难怪会成为饭台上边老人细路嘅首选啦。
烧骨百味菜
唔好误会啊，百味唔係指呢个菜有百种味道，而係因为呢个菜入边有N种唔同嘅蔬菜係入边。咸猪骨加上N种菜一齐滚成汤，咸咸香香，够晒降火。
其实讲咗咁多，可能好多人都问我点解呢到叫农家鸡，点解食咁耐都唔见鸡嘅。其实原因好简单，就係因为果到D鸡太好卖啦，我去果阵就已经卖晒啦!听到咁样，你都知道呢到嘅生意有几好。唔得我下次一定要早D去，势要唔食到佢只鸡唔罢休。
原汁原味农家鸡(荔湾店)
地址：广州市荔湾区荔湾路97号动感小西关内(世纪明珠对面)
电话：020-81299268
营业时间：午市：11:00-14:00，晚市：17:00-21:00
交通：荔湾路公交车站：15、52、55万科四季花城班车、114、196、231、260、268、275、413、549、555、705、133
原汁原味农家鸡(江燕南路店)
地址：广州市海珠区江燕南路52号(近保利百合花园)
电话：020-84155912
营业时间：午市：11:00-14:00，晚市：17:00-21:00
交通：保利花園站546、59、13、551
原汁原味农家鸡(环市东店)
地址：广州市越秀区环市东路475号云鹤商场南区1-2楼(近动物公园南门)
电话：020-87617538 020-87614788
营业时间：午市：11:00-14:00，晚市：17:00-21:00
http://www.duyihua.cn
返回 广州笋嘢益街坊 返回首页 返回百拇医药