广州性价比超高嘅炖品店，资深老中医免费把脉，为你量身打造最啱饮嘅汤！
2015/1/1 广州笋嘢益街坊

    

     广州天气话冻就冻，身体虚啲真係顶唔住。特别係有时候加班捱夜到凌晨，或者係食完宵夜，想饮番碗热气腾腾嘅靓汤，真係好难。想饮靓汤，又唔想自己花咁多时间同精力去煲。如果呢个时候，喺公司楼下，或者喺宵夜档旁边，有一间可以开到凌晨嘅炖品店就好啦。

    

     最近小编路过宝业路，发现呢度新开咗间整多盅炖品，装修好有复古味道，古色古香嘅原木设计，以及门口位置摆设嘅各种鲍参翅肚珍贵食材，一睇就知真材实料冇花假。

    

     就喺我望住啲山珍海味嘅时候，突然有一位好和蔼嘅伯伯同我招手，问我最近身体有冇咩唔舒服，可以对症下药向我介绍饮咩汤好。原嚟呢个伯伯係位老中医，每日下昼4点至夜晚9点都会免费帮人把脉噶。

    

     帮我把完脉之后，医师话我有啲燥热，建议饮个黑豆凉瓜炖水蛇。咁啱我呢排成日喺出面食，冇点饮汤，整个黑豆凉瓜啱晒!

    

     呢个汤闻起身够晒清香，而且汤里面冇嘌呤，唔似外面啲老牌炖品店，就唔会有咁高脂肪，减少肥腻感，仲可以降低患上痛风嘅几率。饮落去又有啲清苦嘅味道，够清润去火。水蛇肉入口几爽口，瘦肉就炖到淋晒，肉汁渗晒入汤水度，绝对够火候!连骨头都咬得烂，骨髓出晒嚟!服务员仲话，整多盅呢度嘅炖品係完全唔落味精嘅，保证饮完唔会颈渴。

     除咗黑豆凉瓜炖水蛇，梗係仲有其它炖品啦。例如呢个佛跳墙，有齐鸡肉、鲍鱼、海参同花胶等，绝对真材实料噶!

    

     咁多种珍贵食材一齐炖咗几粒钟，食起身软嫩柔润，浓郁荤香，虽然啖啖肉，但係又唔会腻喔。各种食材互为渗透，味中有味啊!

    

     睇睇只鲍鱼几大只!浸到淋晒先嚟煲，咬入口一啲都唔硬，超级满足!呢一盅佛跳墙，几乎囊括晒人间美味，以后想食佛跳墙，唔使再去到咁远啦，整多盅就有得食!

     好多人一到冬天，就会四肢冰冻，无论着几多衫都冇用，呢种就係体质虚寒嘅特征啦。如果你都係呢种情况，就要饮一盅红参须鹿茸炖羊胎盘啦。

    

     红参须+鹿茸，冬天饮最好不过，皆因两者都係温热性质嘅。而且，从中医角度讲，冬季是养肾嘅季节，冬天通过进补养肾，可以令肾“精”更为充盈，明年身体更好，就唔会咁容易病。

    

     呢盅汤，男女都一样咁啱饮，唔止可以补肾，仲可以补气益血、消除疲劳噶!成日要捱夜嘅人要饮多啲啦。

     连最近好hit嘅玛卡，整多盅都有啊!

    

     服务员话，呢个玛卡炖瘦肉嘅玛卡都係进口嘅，係精选云南玛卡嚟噶!呢盅汤，男士就要饮多啲啦~

    

     至于女士，小编就推荐呢盅木瓜杏仁露炖雪蛤啦，营养价值丰富，兼有润肤养颜嘅功效添。

    

     平时我哋都係食木瓜炖雪蛤多，木瓜杏仁露炖雪蛤就真係少食。加埋杏仁露入去炖，唔止养颜效果double，连美味等级都double啊!

     除咗有以上呢几种炖品，整多盅仲有好多选择噶，例如川贝海底椰炖鳄鱼肉、山药杞子炖排骨、虫草花炖肉汁、明日叶炖土鸡、野生灵芝蝎子炖水鸭、胡椒根炖猪小肚、原只椰子炖乌鸡等。当然，整多盅唔会就得呢啲，佢哋嘅菜单会随广东嘅气候同时节而不断更新噶，係咪好人性化呢~

     小编总结

     估唔到喺公司附近都有一间咁正嘅炖品店，真係令我好惊喜!店铺装修好靓，而且店内有电视有空调仲有埋洗手间，就算啲汤热辣辣都唔惊饮到成头汗啦，舒服过出面啲老字号炖品店啊。最紧要嘅，係营业时间到凌晨两点!以后OT完或者宵夜完，都可以随时嚟呢度叹番盅靓汤啦。

     优惠信息

     新张期间，可以8.9元/盅(原价15元/盅)的优惠价消费虫草花炖肉汁。

     整多盅(宝业路店)

     地址：宝业路23号

     营业时间：10:00——02:00

    

    

    

    

    http://www.duyihua.cn
返回 广州笋嘢益街坊 返回首页 返回百拇医药