超低价格，人均40蚊嘅超强性价比！广州独创羊肚鸽，仲有国宴糕点，你食过未？！
2015/1/9 广州笋嘢益街坊
冷空气又杀到，最啱就係食翻D暖粒粒嘅嘢。火锅食得多又口寡寡，食其它又怕会冻，真係谂到头大都唔知道食D咩好!不过最近我就係水荫路——渔意吉祥酒家，发现到广州独有嘅羊肚包鸽，大大煲都係只要68蚊，係呢个冬天食佢可谓既暖身又暖胃啊!
渔意吉祥酒家地处水荫路，交通好方便。从酒楼嘅餐环境就睇得出，呢到老细嘅心思。大厅有D类似港式茶餐厅，虽然装修唔算豪华，但胜在干净舒适、别致，吃起饭来，够轻松、够随意。而房间环境则有别于大厅，装修极为雅致，家庭朋友聚餐之类嘅，一D都唔失礼。
羊肚煲鸽(优惠价68蚊)
平时我哋猪肚煲鸡就食得多拉，但係嚟呢到食嘢我绝对强力推介呢到首创羊肚包鸽。听讲呢个羊肚包鸽其实係係一次偶然中创作出嚟嘅。话说係一个冬天果阵，老细突然想食猪肚鸡，但係行匀成个市场都揾唔到猪肚，最后就买咗个羊肚嚟定档，结果做出嚟个羊肚鸡又出乎意料嘅好食，所以就有咗羊肚包鸡嘅餸。但係考虑到鸽嘅药用价值同营养都俾鸡高，所以就转变出呢款羊肚包鸽啦。
表面上看，只有两只鸽一只羊肚，好像很少儿科，但其实汤底用料十足!入边有三黄鸡、筒骨等等，加上川芎、白芷、蜜枣、甘草等等中药材，再用矿泉水经过三小时熬制!所以香味浓郁，入口甘香清纯、补而不腻、滋润心田，很适合宜家嘅天气喝!
係出边食饭，或者你成日见到D实物与图片不符嘅菜色，但係係呢到，老细为咗俾客人感受到真材实料，呢个羊肚包鸽上台都係原只未解封咁上台，之后先再斩件落锅。
斩件之后嘅鸽同羊肚，係浓汤里面滚多两滚，即时将汤嘅味道吸收晒。最重要嘅係，滚过汤嘅鸽食起身鲜味十足，而且仲好有嚼头。
煲极都唔韧嘅羊肚，食起身好爽口，点小小豉油食仲好野味添。
趁热都都係快D饮翻啖汤先，汤里面有住羊同鸽嘅鲜味，再加上浓浓嘅药材味，饮起身特别甘香，一啖落口真係成个身都暖晒。 
有咁靓嘅汤，就拿嚟食羊肚鸽好似有D浪费喔，都係点多两味放落D汤到滚嚟食先!
象拔蚌29.8蚊/条
听老细讲，最近呢到D象拔蚌做紧特价，大过Iphone5都係只要29.8一条，象拔蚌嘅鲜味最啱就係搭配埋呢嘅汤滚嚟食。果然没错，滚过汤嘅象拔蚌香甜爽口，清甜嘅味道带俾人前所未有嘅感觉。
唔滚火锅，象拔蚌中可以拿嚟做刺身，生猛嘅象拔蚌起片上台，食起身都特别鲜甜。
水鱼38蚊/斤
冬天食水鱼可谓係最滋补嘎啦!将D水鱼放係充满药材嘅汤里面，食起身水鱼鲜味十足而且重要淡淡肉。而最精华嘅就要数鲜味十足嘅药材浓汤啦!水鱼滋补养阴，最啱就係女士饮嘎啦!
蟹籽虾青
不得不提我最中意嘅就係蟹籽虾青，呢个餸唔单止造型吸引，上台更有专人帮你现场混合食材。手打虾滑加埋爽脆嘅蟹籽係咩口感？爽爽脆脆，又够晒嫩滑，鲜味十足!不过记得嘅就係，虾滑只要滚1分钟，呢个时候虾滑先係最爽最滑。
高原耗牛滑
用嚟自高原嘅耗牛做成嘅肉滑，食起身虽然冇一般嘅牛肉咁滑有小小韧，但係就牛味十足，绝对係唔可以错过嘅美味。
何鲜菇
鲜味嘅何鲜菇富有丰富嘅药用价值，搭配埋羊肚包鸽同埋象拔蚌一齐滚更加係鲜上加鲜，吸收晒汤嘅精华嘅何鲜菇食落口够晒鲜香，一啖接一啖，简直食到人停唔到口。
唔好以为呢到就得羊肚包鸽食，听个店名，你就知道你到食鱼绝对正斗。我带得你嚟食就梗係有着数啦!
一鱼两食38蚊
平时係出边食嘢都有呢种做法，但係一条鱼做几种煮法，每样都要收唔同嘅加工费，埋起单嚟加工费仲贵过条鱼。但係係呢到食就唔同啦!係宵夜时段，呢到一鱼两食(无骨鲫鱼粥+豉汁蒸鲫鱼)都係只要38蚊，而且仲唔收任何加工费添，真係好鬼抵咯。
呢到食嘅鲫鱼粥唔係平时食嘅鱼粥哦，係新鲜鱼片直接撞入白粥，完全保证咗肉嘅鲜嫩度，果个鲜甜啊!仲加入姜丝和香菜去腥味。而且，鲫鱼完全起骨，最适合好似小编呢D嫌吐鱼骨麻烦嘅人啦，食起身，好放心啊。
起咗细肉嘅鲫鱼拿豉汁嚟蒸，啱啱摆上台就已经够晒香，食起身豉汁嘅咸香搭上鱼嘅鲜香，一啖落口更加係鱼味十足。
香兰粉葛卷
作为国宴点心嘅香兰卷外形好似棒棒糖咁够晒趣致，呢到嘅师傅用咗进口嘅香兰叶同葛粉，经过一道道繁琐嘅工序做出嚟，每日都现卖现做。呢个香兰卷闻起身就好香香兰味，食起身又爽又滑，食起身又有D椰子味，香兰嘅味道味更加充满係口腔。
燕麦葡挞
松脆嘅外皮加上香甜的葡挞浆食起身口感十足，再加上脆脆嘅燕麦，使呢个葡挞嘅口感多咗层次，甜而不腻，绝对係甜品嘅首选。
小编总结：
有名你叫渔意吉祥，呢到食鱼绝对係唔可以错过嘅选择，但係作为羊肚包鸽嘅创始者，味道绝对係係广州其他地方搵唔到嘅。作为平民嘅价钱，五星级酒店嘅出品，呢到绝对唔可以错过。
优惠信息：
1、发送本微信到朋友圈，到店出示即可以68蚊嘅价格品尝到价值148蚊嘅羊肚包鸽。
2、宵夜所有火锅生料一律5折。
3、新春盆菜2月15日前预定外卖7.8折，送盆及精美包装。
渔意吉祥酒家
地址：广州市越秀区水荫路75号隆洲酒店一楼(军区旁)
电话：020-22018009 13332817488
营业时间：8：00-14:30(早茶、午市)，17:00-凌晨3:00(晚饭、宵夜)
人均：40蚊
交通信息：199、192总站
地铁：动物园站C出口前行200米转入水荫路方向
http://www.duyihua.cn
返回 广州笋嘢益街坊 返回首页 返回百拇医药