传说中用600万打造一碗面嘅西北菜馆，西贝莜面村只为让您食到地道嘅中国西北菜！
2015/1/17 广州笋嘢益街坊
寻晚，西贝莜面村2015新菜品鉴会喺番禺迎宾路店举行，各路资深美食家以及媒体人士都出席咗本次活动。小师妹有幸作为广州笋嘢益街坊嘅代表，参加呢次新菜品鉴活动，今次就由我嚟为大家介绍呢场品鉴会嘅丰富美食啦!
会场早早就布置得热闹非凡，各位西北汉子娇娃都着上过年过节嘅当地服饰，迎接每一位来宾。
因为厨房操作间就处于大厅，所以经过嘅时候，就畀各种飘逸于空气当中嘅食物香气吸引，忍唔住行过去望多两眼。
未嚟之前，同大多数人一样，我对西贝嘅印象都只係局限于食西北菜咁简单。其实西贝所拥有嘅，远远唔止呢啲。西贝嘅大厨好多都係实打实嘅西北汉子，多年爬山涉水，走遍山野乡村、大漠草原，就係为咗找寻最天然、精良嘅食材。
佢哋仲不断改良传统嘅西北菜做法，融合时下最时尚嘅食法，不断创新，只为呈现出最地道最有民族风味嘅西北民间美食。
就喺我睇紧呢份西贝美食报嘅时候，品鉴会不知不觉已经开始咗啦，有新菜食，等我嗱嗱啉饮番啖水清下喉准备试食先。
1果蔬大拌菜 ￥38/份
呢个果蔬大拌菜全部都係选用新鲜蔬菜同各种时令水果做材料，加入进口嘅鲜柠檬汁同美式芒果酱拌制而成，斋听到食材就已经够分量。咁大碗嘅拌菜都只係38蚊，抵食过其他餐厅嘅沙律多多声。
因为拌菜只係加入咗鲜柠檬汁同芒果酱，所以食起身味道特别清甜，一D油腻嘅感觉都冇!水果同蔬菜本身就好清爽，加上果酱，口感更加係清新爽口，餐前开胃小食必点!
2自制绿豆芽拌武川莜面￥28/份
呢道菜所用嘅芽菜，从拣绿豆、浸绿豆，到绿豆生长过程，都係由西贝嘅厨师一手包办嘅，足足用咗6日，超过150个钟，为嘅就係保证芽菜嘅新鲜同口感。
经过大厨培养出嚟嘅芽菜果然同平时喺街市买嘅口感唔同，特别清爽。而且底部嘅莜面好香滑，点夹都唔断，“嘘”一声就食入口，好食过伊面好多。
3燕麦米汤炖羊头汤￥25/位
呢盅羊头汤嘅名头就巴闭啦，係当年周总理招待贵宾嘅一道国宴菜。但係西贝厨师就用历时3年将佢不断改良，用燕麦米汤熬煮，更加香滑健康。
舀起一羹，满满都係燕麦同羊头肉，好满足。羊头肉係羊身上最好嘅肉，而西贝所选嘅草原羔羊羊头肉，胶原蛋白就更加浓厚，熬制出嚟嘅汤口感更加丰富醇厚。
4功夫鱼
呢条功夫鱼係西贝嘅招牌菜之一，不过今次西贝大厨就对佢进行咗升级，淋上香菇、冬笋丁熬制而成嘅干烧汁，令功夫鱼嘅味道同造型更加丰富。
因为功夫鱼係用细火慢炖4至6个钟先出锅嘅，所以鱼肉唔单止绵而唔烂，仲充分吸收咗酱汁嘅甜酸味。食惯咗清蒸鱼嘅广东人，不妨试下呢条功夫鱼，体验下属于西北人嘅细腻，都别有一番滋味。
5小锅牛腩
小锅牛腩係用高压锅长时间焖煮嘅，因为密实唔透风，可以锁住食材嘅最原始味道，唔会走味。
牛腩係精选内蒙古草原黄牛嘅牛腩肉、牛蹄筋，肉质特别结实有弹性，而且味道都特别香。加上红萝卜、薯仔做配菜，吸收晒牛腩嘅酱汁香味，好食到听唔到口。
细火慢炖3粒钟，牛腩依然好有口感，虽然冇我哋广东牛杂咁丰富嘅调味，但係却多咗一份淳朴原始嘅牛肉香味。
6吕梁山野生沙棘汁￥25/瓶
沙棘係乜？其实沙棘可以话係活化石，佢已经喺地球上生存咗2亿年，同佢嘅年纪相称，沙棘同时都係维C之王，佢嘅维C含量係猕猴桃嘅5至8倍!口感酸酸甜甜，有D似鲜橙+柑橘嘅味道，不过就香绵好多。
西贝选用嘅沙棘，係来自吕梁山自然保护区嘅野生沙棘，嗰度日照充足，昼夜温差大，土壤有机质丰富，生长嘅沙棘自然都特别够营养。
7浓鸡汤煮榆林豆腐 ￥48/份
榆林豆腐係陕北一种好出名嘅食材!原料係榆林土种嘅腰形黑豆，再用传统手法、浆水点成。豆腐经过长时间嘅熬煮，出现密密麻麻嘅蜂窝细孔，入晒浓汤嘅味道，食起身更加好味。
一定唔可以漏嘅，就係呢啖煲足10个钟嘅老鸡汤，因为仲加入咗其他食材，熬出嚟嘅汤唔止有鸡味，仲有好浓郁嘅鲜甜味。饮得出呢个鸡汤係完全冇落味精嘅。
8牛肉汤泡馍 ￥25/份
泡馍其实喺古代就已经有雏形，当时嘅军人因为要行军打仗，为咗避免干粮太干硬难以下咽，就放入肉汤里面一齐食用。久而久之，就成为今时今日嘅泡馍啦。
同羊肉汤泡馍唔同，牛肉汤泡馍能够避免羊肉出现嘅臊味，而且西贝用嘅係科尔沁草原牛腹肉丁，珍贵嘅食材，熬煮出嚟嘅肉汤都特别滋味。最尾再饮番啖原汁汤加粉丝熬制嘅高汤，暖胃又饱肚，爽!
9伊犁辣皮子烩大盘鸡 ￥68/份
呢个伊犁特产红辣皮子其实係辣椒嘅一种，佢嘅味道微辣，带D微甜，直接食都得。
加上有机柴公鸡一齐烩，味道少少香辣，但更多嘅係馥郁嘅香味，鸡肉好有口感，食起身好够味，係我食过嘅鸡肉里面唔同嘅味道，都好好味喔。
盘底嘅醒揪面都唔可以错过，醒揪面好嫩滑，食起身有D似我哋广东嘅陈村粉，不过就更加厚身有弹性。吸收咗汤汁嘅浓郁鲜味，呢个醒揪面就更加滋味啦。
10梁山黑猪肉夹馍 ￥10/个
梁山黑猪肉最大嘅特点就係肉味足，因为佢生长周期达12个月以上，喂嘅係粮食，并且係散养，营养吸收得更加充分。
夹肉嘅圆馍用嘅係河套雪花粉，烙到甘香，摸上去虽然有少少硬，但係食起身烟韧，仲有D脆添。而且每一个馍都可以睇得出“金圈虎背梅花心”，口感外脆内紧实，斋睇就有食欲啦。
11手工杂粮方饼 ￥8/个
方饼係河套地区嘅一种传统风味小食，西贝嘅方饼保留到河套老家嘅原始味道，用纯手工制作，自然发酵，仿佛走入咗西北人家最地道最纯朴嘅氛围之中。
小编总结
其实今次都係我第一次食西北菜，之前对西北菜嘅印象都只係停留喺肉夹馍上，直到今次试完西贝嘅新菜，我先知原嚟西北菜远远唔止咁简单，佢虽然冇粤菜咁精致，但係佢嘅粗犷同豪迈係粤菜所唔具备嘅，而西贝嘅精炖菜，亦有小桥流水般细致嘅味道，实在令我惊艳。食惯粤菜，想转下口味嘅，不妨嚟西贝一试。
西贝莜面村
人均：90元
地址：番禺区迎宾路115号惠信商业园1楼(近丽江明珠大酒店)
电话：020-38888989、13928726995
营业时间：11:30——14:00(节假日至14:30)；17:30——21:00
http://www.duyihua.cn
返回 广州笋嘢益街坊 返回首页 返回百拇医药