环市东惊现亲民价佛跳墙，食材丰富又抵食！竟然仲有可以食落肚嘅LV手袋！
2015/1/18 广州笋嘢益街坊
佛跳墙对于我哋老百姓嚟讲，都係“可远观而不可亵玩”嘅珍贵菜式，一般唔係发咗达都唔会轻易点佢。但係前几日有个朋友同我讲，话环市东有一间性价比好Q高嘅新派粤菜馆，高档食材，实惠消费，平民都肯定食得起!有冇咁正？等我去打探一下先~
佢带我嚟嘅就係呢间聚彩酒家啦，佢係一间结合咗新派粤菜、新派点心、新派水吧嘅酒家，相信好多人都嚟过呢度食饭同饮茶，佢哋嘅点心好食到出晒名。
嚟到先知，聚彩酒家原嚟係由时尚界设计师联手香港饮食班底跨界打造嘅，唔怪得环境咁靓啦，连洗手间都好干净!就好似去到星级酒店一样。咪比呢度咁是正嘅环境吓亲，其实聚彩餐牌上面嘅价钱都好亲民，一煲佛跳墙都只係198蚊咋!
锦绣佛跳墙 尝鲜价198蚊 3~4人量
呢个有齐晒山珍海味嘅佛跳墙，一上台就惊艳咗我!分量好大，细煲就够晒4人食，而且仲有大煲可以选择，大煲都係368蚊啫，就可以5~8人食。聚彩坚持用明火煮食，同卡士炉一齐上，慢炖数分钟就食得。
加热之后，侍应就将瓦煲盖打开。浓浓嘅由精选鲍参翅肚秘制嘅胶质浓汤香气扑鼻。我哋即刻就舀咗一碗，首先饮番啖汤先，骨胶原真係超重!
鲍鱼鲜甜入味，弹牙嘅鱼翅，香浓嘅猪肚，香喉嘅潮州肉饼……食到已经停唔到口!最尾再加D配菜或者係公仔面落去，吸收胶原浓汤嘅鲜味，呢种食法先够过瘾!
精品佛跳墙 98蚊/盅
平时食嘅佛跳墙都係一大煲嘅，如果得几丁人，食唔晒咪好浪费。嚟聚彩你就唔使惊啦，呢度有按位上嘅佛跳墙，一人一盅，就享用到顶级嘅鲜味!呢个精品佛跳墙嘅食材全部都係上上品，保证带畀你最奢华嘅味觉享受。
精品金柱煲仔翅 98蚊/位
鱼翅一直係饮食界嘅贵族，临近岁末，係时候犒劳一下自己。呢个煲仔翅，係用鸡、瘦肉、瑶柱等食材熬制出嚟嘅高汤做汤底，因为用料充足，所以煲仔翅嘅汤水特别香浓，口感醇厚美妙，果然係极品!
港式片皮鸭
呢味片皮鸭，先用几种香料腌制，再经过多种工艺加工烤制而成，入口酥脆，而且食到好浓郁嘅酱香味。食呢个片皮鸭嘅时候，皮就可以包住青瓜条或者係鸭肉嚟食，感受外酥内爽嘅滋味。亦都可以选择一鸭二食，都係唔错嘅食法。
葱油淋海豹蛇
宜家食蛇就应节啦。肥美嘅蛇肉里面竟然仲有啖啖嘅肉!入口满嘴都係蛇肉嘅肉汁，食蛇都食得出啖啖肉嘅幸福感，好爽!除咗葱油淋，聚彩仲有椒盐、盐焗、美极、湘味烧几种做法可以选择，啱晒嘴刁嘅各位食客。
妙手功夫辽参
讲起呢个辽参就巴闭啦，先浸足5日5夜，将辽参浸发到柔软有弹性，先开始烹制噶。
大大片厚切嘅辽参，用高汤熬煮，等到辽参吸收晒高汤嘅精华，再撒上香甜嘅蔬果粒，增加清爽鲜甜嘅口感，最后再淋上经由鲍鱼、鸡肉、火腿等食材长时间熬制出嘅鲍汁，味道点止一个鲜字可以形容。
香辣阿拉斯加长脚蟹
食海鲜我都係钟意食长脚蟹，因为佢肉厚又嫩滑，大大欍肉食落口，噉样先叫满足!
将精选嘅辣椒经过爆炒，炒出麻辣鲜香嘅香辣味，再将长脚蟹加入一齐炒，等蟹肉慢慢吸收辣椒嘅香味。食嘅时候，能够食到长脚蟹肉嘅鲜甜肉嫩，都有辣椒嘅香辣，唔会好麻，係广东人食到嘅口味。
黄金柱丝海参焗饭 68蚊/例
听个名就够晒高大上，瑶柱、海参，呢个炒饭瞬间变得雍容华贵!炒饭粒粒金黄飘香，而且唔会黐住，每一粒都分开咗，食起身口感就perfect!加上瑶柱丝同海参嘅鲜味，同平时食开嘅蛋炒饭简直係唔同一个level!
新派创意点心
唔好以为聚彩得饭食，其实点心都係聚彩嘅特色，好多人嚟呢度都係为咗佢哋D点心噶，睇下款式几多，精致又好味，唔怪得咁多人食过都继续嚟啦食啦!
↓↓↓招牌高筒葡挞
葡挞係新鲜出炉嘅，皮脆馅嫩，可以睇到挞皮嘅每一层酥!食起身更加係酥脆到冇朋友!咬入口，香甜滑嫩嘅蛋液流淌喺口腔之中，呢种感觉实在美妙!
↓↓↓名牌LV手袋酥
唔係啊嘛!LV手袋都可以做点心？!大家冇睇错，聚彩真係有可以食落肚嘅LV手袋。外酥内嫩，口感香甜，软绵绵嘅馅料喺口里面融化，唔止款式好睇，连内在都一样正!各位LV控仲等咩，必BUY!
↓↓↓盘栽脆皮年糕
新年到，食年糕!呢个种植喺盆栽上面嘅年糕就够晒心思啦，小巧玲珑嘅盆栽，边个会谂到里面嘅“泥土”竟然会係年糕喔!软糯香甜，加上外层酥香嘅脆皮，係我食过最好味嘅年糕!
小编总结
聚彩，传承咗粤菜嘅精华，又喺呢个基础上，改良咗食材同调味，令菜式嘅选择以及味道，都得到提升，呢个，就係一个生动嘅新派例子!嚟过一次，先至体会到咩叫用心制作，高级嘅食材，亲民嘅价钱，丰富嘅选择，嚟饮茶食饭都係粤菜首选!
聚彩酒家
人均：50元
地址：广州市环市东路475号东都大世界二楼(近动物园南门西行三百米)
电话：020-29099599
营业时间：08:00-22:00
微信公众号：Jucai88888888
点击底部↓原文链接↓，获得更多聚彩酒家嘅优惠信息。
http://www.duyihua.cn
返回 广州笋嘢益街坊 返回首页 返回百拇医药