平到笑！就算翻风落雨都好多人排队食嘅广州第一粥，你绝对唔可以错过！！
2015/1/28 广州笋嘢益街坊
听讲係同德围有个执着狂老板，带住佢嘅研发团队係广州研发出一种惊天地泣鬼神嘅美味靓粥，逢係食过嘅人都对佢赞不绝口，大家都通称呢个粥叫做“广州第一粥”。咁把炮，想唔试下都唔啦!都係快D拉大队去胜记猪杂粥试试先。
哇，果然係闻名广州嘅店啊!你睇下D，店里店外咁多张台都俾人坐到满，可见呢到嘅人气有几高啊!
唔讲咁多，有位坐，快D开餐先!
擂米猪杂粥
“广州第一粥”咁出名，当然就要快D点嚟食啦!呢到嘅猪杂粥材料可以自己搭配，自己中意食咩就点咩，唔使上台之后先话要拣自己中意食嘅材料。听老细讲，呢到嘅猪杂每晚11:30钟都会係肉联厂新鲜运到。而且听隔离嘅熟客讲，话D猪杂送到嚟果阵仲係热辣辣嘅。哇，咁厉害，都係快D拣翻几样嘢先!
讲到呢到嘅猪杂粥，真係好特别。呢到嘅招牌山泉水擂米猪杂粥，係老板经过多年嘅研发先得出嘅，係广州第一间，而且係最最正宗嘅擂米猪杂粥。作为“广州第一粥”做法当然相当讲究啦!上枱前，米粒係山泉水下经过专人磨成有细粒嘅米浆。
磨过嘅米喺煮前虽然仲喺有D一粒粒，但喺因为经过擂米呢个工序，米粒煮出嚟嘅粥都特别绵。喺成粥前记得要不停搅拌，因为会好容易粘底啊。
粥好咗就好加D新鲜猪杂落去啦!
只要你见到猪杂变色，就喺证明猪杂已经熟咗啦!呢个时间梗喺要马上装碗嚟食啦!因为擂过米嘅关系，D粥食起身好绵滑，而新鲜嘅猪杂味道又俾粥吸收晒，成碗粥充满住猪杂嘅香味，食起身爽口嘅猪杂同绵滑嘅粥真係好搭，同一般係出边食嘅米水粥真喺好唔同。
猪肝猪腰汤
既然有咁新鲜猪杂食，梗係唔会只食猪杂粥啦!係隔离食客嘅推荐下，我就点咗个猪肝猪腰汤啊!新鲜嘅猪杂滚出嚟嘅汤好鲜味。因为材料够新鲜，所以煲出嚟嘅猪腰同猪肝食起身好爽口，一D都唔会觉得韧。因为有胡椒嘅关系，所以D汤饮起身一D都唔腥，就连我果位唔中意食猪杂嘅小伙伴都连饮咗几碗汤。
呢个猪肝猪腰汤同出边最大唔同嘅，就要数煲完出嚟D料嘅口感啦!爽口、嫩滑呢两个词已经表达唔出佢嘅果种美味。一啖猪腰一啖汤，饮起身真喺好满足。
78蚊水鱼鸡套餐
就係我食到兴起嘅时候，突然谂到小伙伴话呢到有个超级抵食嘅火锅套餐，78蚊就有一只鸡同一条水鱼。问下小伙伴嘅意见之后，都係绝对点多个套餐嚟食(反正我哋人多，唔怕食唔晒)。
呢到嘅鸡，全部都係新鲜鸡，即点即劏，活鸡有成2斤半咁重嘎!睇起身好鬼大只，肉质摸上去就好结实，肌肉光鲜，有弹性，睇得出好新鲜!
而水鱼就係野生嘅，都有斤半咁重嘎。睇下条水鱼嘅四肢咁粗壮，而且壳背咁有光泽，食起身肯定好好味啦!
呢度嘅汤底有猪筒骨汤底、擂米粥水汤底、泉水准杞汤底三种选择，20蚊就有得成交。
我哋就拣咗个猪筒骨汤底，用大大嘅猪筒骨熬出嚟嘅汤，味道好醇厚，有埋红枣、杞子等药材，加热之后闻到阵阵药膳香味，食欲大增!
鸡肉煮熟之后，小伙伴都已经俾D味道吸引，忍唔住要拿起筷子啦!鸡肉味道好鲜，鸡味好香，而且肉质真係好有弹性，一D都唔肥腻!
当然啦，除咗78蚊嘅套餐，呢到仲有两只鸡一条水鱼、两条水鱼一只鸡嘅套餐选择，都係只要108蚊咋。如果人多嚟呢到，点108蚊呢个套餐就啱晒啦。
海鲜水库大盘鱼
如果想食海鲜？呢到一样有得俾你食。胜记全部采用3斤重以上嘅原生态养殖鱼，喺食之前，都会将鱼进行吊水，经过一段时间之后先会拿出嚟使用。呢到嘅鱼唔单只大条，而且肉质仲好结实，就算用筷子夹起嚟食，都唔会被人夹到碎烂，而且仲保持住鱼嘅完整。呢个大盘鱼唔单只有鱼呢个大主角，为咗将鱼变得鲜上加鲜，喺浓汤上边仲加入白贝同虾两种海鲜。
煮熟咗嘅鱼一啖食落口，D鱼肉够晒鲜嫩，而且仲好滑，即使喺食落口结实嘅鱼肉都唔会变到好似糊仔咁烂瘪瘪。啖啖肉食起身，真喺好正，味道绝对出边其他酒楼冇得比嘅。
仲有啊，係到食大盘鱼仲有海参花胶送啊，大大份嘅海参同花胶睇起身就已经有好多。望真D，咦!呢D花胶同海参都喺靓嘢喔。而且单食花胶同海参嘅价格就已经值回食鱼嘅价钱啦。
将D花胶同海参一齐倒埋入个大盘鱼到，哇!呢个大盘鱼瞬间变得高大上。因为花胶同海参放咗喺充满鲜味嘅鱼里面，所以食起身更加喺鲜上加鲜。一块接一块，简直食到我停唔到口啊。
鲍鱼蚊鸡
除咗大盘鱼，呢到仲有不得不提嘅菜，佢就喺鲍鱼蚊鸡啦!呢个菜用每日新鲜现杀嘅走地鸡为主要材料，加上鲍鱼同特制酱汁一起煮，食起身滋味十足。鸡肉味道好鲜，鸡味好香，而且肉质真係好够弹性，一D都唔肥腻!加上鲍鱼嘅鲜味，简直让人回味无穷。
生炒糯米饭
想食主食？不妨试试呢到嘅生炒糯米饭食。呢到嘅糯米饭选用咗上等嘅糯米同连州嘅腊味腊肠嚟制作。呢个饭每一粒饭都炒到金黄色，闻起身仲好香添。刚刚炒出嚟嘅糯米饭香味十足，就连旁边嘅靓仔见到我哋食得咁开行都马上要服务员加单添。食落口，每一粒饭都吸收晒腊味嘅味道，配埋花生一起食真喺好香口。
小编总结：
作为全广州食猪杂粥最新鲜最美味嘅地方，胜记一直都坚持用做好嘅食材，最亲民嘅价格嚟回馈广大顾客。嚟呢到食嘢，真係行过路过，千万唔好放过!!
店名：胜记猪杂粥
地址：白云区同德围同康路(骏盈广场侧)
电话：020-66692838
营业时间：每天5:00PM-凌晨3:00AM
人均：35蚊
交通指引：212路、729A路、729A路同康路站
http://www.duyihua.cn
返回 广州笋嘢益街坊 返回首页 返回百拇医药