到店就免费食三文鱼刺身！仲有食100送50！天河呢个老板太任性啦！
2015/1/30 广州笋嘢益街坊
编辑：彭晓莹 摄影：柯文雯
听闻岗顶嘅天娱广场新开咗好几间正到爆嘅店，作为食货我肯定二话不说!去去去!直接奔上天娱五楼，可能系缘分，首先入我眼嘅就系依间渔鲜生丼屋，间店够精致，个名够特别，出品由日本师傅指导，优惠仲好畀力，消费满100送50，每台送一份三文鱼刺身，每位送一份例汤，活动持续到1月底，试完之后荣登我最爱嘅日料店第一位!点解？!继续睇就知啦!
科普：店名嘅丼字有两意，一系形容声音，往井里丟石头，会发出「dom」一声；二系指日本嘅盖饭，方圆形嘅瓷碗装满米饭等料理。
精致!推拉门式门口，一入店，橙黄嘅暖色调令人瞬间倍感温暖，店面唔大，桌椅摆放有致，仲有开放式厨房，一间小而精嘅日式料理店!
一边叹住寿司刺身，一边睇住靓仔师傅整寿司，简直係省心悦目，质量卫生都可以放心!睇下师傅几专注，啦啦临偷拍翻两张先!
刺身饭
三文鱼盖饭，相信系广州最抵食嘅刺身饭，38蚊有五片厚切三文鱼、螺肉、海草、玉子、笋、花状寿司姜、树叶型wasabi，造型吸引!小编所讲嘅抵食唔一定系价格最低，但一定系性价比最高嘅!食材嘅新鲜一试就知!
三文鱼纹路清晰，轻轻摆落口，嘴尖即刻感受到丝丝清凉，毫无蘸酱享受住鱼生最纯粹嘅鲜!而且适当食三文鱼，可以防治心血管疾病，蘸d芥末豉油继续落力食食食!再夹件螺肉，螺肉件件大只完整，毫无碎块，有嚼头，食得我好过瘾啊!(?)?
相比上一款，依款元贝甜虾盖饭睇落更加小清新!尤其吸引就梗系中间傲娇翘尾嘅北海道甜虾同两边色泽透亮嘅元贝，仲有北海道蟹棒、鱿鱼、三色蟹子等，料足，海鲜味足，抵食!
食惯干贝，鲜元贝一入口，竟然无腥味，仲带住柠檬嘅清新，水水嫩嫩!嚟自北海道嘅甜虾，一个字，甜!黏黏嘅口感，质感独特!仲有唔可以忽视嘅蟹棒，小编最爱，肉质分明，绝对货真价实!
豪华阵容嘅海皇の盖饭，份量、种类十足，刺身铺满成个饭，搞到我连粒米都见唔到，一个女仔食晒所有刺身，饭都唔使落肚已经饱晒!甜虾、希鲮鱼、元贝、北极贝、三文鱼…就系咁鲜爽!
令人惊艳嘅绝对就系58蚊就可以拥有甘豪华嘅盖饭!食材新鲜嫩出水，颜色层次分明嘅希鲮鱼，口感同一般鱼生唔同，虽然唔会特别嫩滑，但系口感更独到，有嚼劲，味道更加清新甘美!北极贝肉厚鲜嫩，内里蕴藏丰盈汁水，小编我就钟意蘸d芥末食，咬嘅瞬间，又哄鼻又鲜!爽!!!
热食
如果觉得天冻唔想食刺身饭，其实仲有好几款皇牌热食推荐!蒲烧鳗鱼饭就俾足我惊喜啦!唔系用鳗鱼粒，而系整整一条鳗鱼!个饭系筷子筒嘅份量，吓亲晒小伙伴!
米饭同鳗鱼之间铺满一层蛋丝，但系一d都冇妨碍两者之间香气融合，一啖饭一啖香甜松软嘅鳗鱼，饱腹又暖胃，鳗鱼面仲有草莓点缀，十分娇嫩!
明治咖喱猪扒饭，日式做法嘅咖喱偏甜，咖喱汁唔会稀疏，浓稠适度，配埋煮得香甜嘅洋葱，捞饭食超赞~\(≧▽≦)/~当然仲唔可以忽视块猪扒，一啖落口松化酥香，送住微甜汁底一齐食，够风味又地道!
寿司
睇睇菜牌，渔鲜生哥寿司虽然少，但系件件必试，错过一件都觉得人生唔完满咯(ˉ﹃ˉ)食材去到尽，价格好亲民，抵赞!
深深体会到静静噉品味一件香煎鹅肝寿司，简直就系种享受!香煎过嘅鹅肝油香丰腴!一啖落口，首先触碰到薄薄一层脆皮，紧接住皮开肉绽，丝滑丰盈感滑过喉咙，最后咬啖寿司饭，唔油唔腻!而且价格超值到逼住我再黎一件!
炙烧蟹棒寿司系我迷恋渔鲜生嘅一大原因!皆因本人非常钟意蟹棒，但系食过甘多次，次次出品都伤透我心，今次一试，正到我要高唱终于等到你，还好我没放弃~~选用北海道蟹棒，贪心想一啖吞落肚，发现大件到塞唔落，满口蟹嫩鲜甜，一件先9蚊!老细，蟹棒我全部包晒!!!
赤海虾寿司，一上台以为系刺身，再认真望望原嚟系寿司!睇佢个款以为好贵，点知仲系9蚊，只要9蚊!冰镇嘅造型好销魂，虾肉两个字，鲜!甜!虾肉粘滑可以拉出丝，搭埋寿司饭又鲜又饱肚，棒棒哒!
娇嫩嘅炙烧三文鱼寿司喺度呼唤紧我!面头嘅微微火炙，带出三文鱼同酱汁嘅香，轻轻咬一啖，入口微热，三文鱼软嫩，8蚊一件，大件夹抵食!我发现渔鲜生嘅寿司食材、师傅手势够正之余，寿司饭嘅份量都把握得好好，唔多唔少，唔会令人有斋食饭饱嘅感觉，而系真正享受紧寿司o(≧v≦)o~~
小食
炸软壳蟹，软壳蟹系种特殊食材，就系响螃蟹岩脱去旧壳，新壳仲未坚硬嘅阶段，捕捞后即刻生冻，以保持鲜度!一出炉就散发出浓浓酥香!简直引人犯罪!
睇上去瘦猛猛，其实里面好有肉!而且可以连壳食，外壳炸到香酥可口，但系蟹肉依然保持鲜嫩多汁，成只一齐食，香脆有肉，微微油香溢出，色泽已经诱人，味道更甚!!!好正!
小编我对造型可爱Q弹嘅美食一向无抵抗力，点咗个日の草果试下，五色五味，芝麻、绿茶、花生、麻薯、原味，款款都外皮软韧，内馅饱满清甜，糯性强，口感黏黏韧韧，12蚊有交易，食完感觉自己萌萌哒!
饮料
食咗甘多料理，硬系觉得差咗d乜!冇错，就系一杯原汁原味嘅番石榴汁!甜而唔涩，清凉透心，又带D水果嘅清香，一饮而尽，痛快!番石榴据闻系世上维生素C最丰富嘅水果，抗氧润肤，贪靓就要饮多两杯啦!
朋友将渔鲜生丼屋比喻为“平民饭堂”。的确!佢可能系广州最抵食嘅刺身饭，38蚊料足出品靓；鹅肝、蟹棒寿司，正到爆炸!炸软壳蟹等特色小食味道独特，全部都不得不试，款款都良心推荐!最近仲消费满100送50、送三文鱼刺身，默默开始后悔上次未食够，下次继续!等我!!!
优惠信息：消费满100送50代金券，每台送一份三文鱼刺身，每位送一份例汤，优惠截止至15年1月31日。
店名：渔鲜生丼屋
电话：020-38460059
地址：广州市天河区天河路621-625号天娱广场五楼501自编01及02铺E区
交通指引：搭乘地铁三号线至岗顶站A出口下，按地图所示走至天娱广场五楼即可
http://www.duyihua.cn
返回 广州笋嘢益街坊 返回首页 返回百拇医药