广州人行花街应该买D乜？今年行花街千万唔好再买错嘢啦！

广州人行花街应该买D乜？今年行花街千万唔好再买错嘢啦！
2015/2/16 广州笋嘢益街坊

过年行花街，係广州人每年春节都会做嘅事，“唔行过花街都唔算过年”!讲起花街，喺广州都有上百年历史啦。虽然广州各区都有自己嘅花街，但係历史最悠久、人气最旺嘅都係要数西湖路花街。

西湖路花街除咗靓花同各种精致有趣嘅工艺品之外，牌楼都係看点之一!每一年，精心设计嘅牌楼都有唔同嘅造型，可以畀大家行街买花之余仲大饱眼福。

而同往年有所唔同嘅係，今年嘅工艺品档从原嚟嘅西湖路靠北京路段，搬到去教育南路。所以今年想喺西湖花街买工艺品嘅朋友仔记得要去啱地方啦。

     行花街都係想转个大运!不过话时话，大家又知唔知行花街应该买D乜，又唔应该买D乜呢？

     宜

     买

     风车

     正所谓“风车转一转，银纸高一寸”，好多人过年都会买风车转运，讨个好意头。不过如果你本年运势唔差，就不必买啦，以免转走晒D好运。

     财神摆件

     行花街另外一个重要嘅目的就梗係想来年“恭喜发财”啦!所以，每年花街工艺品档都会有唔少财神摆件，寓意将财神“请”返屋企。不过，如果遇到D好似“3”“8”“9”等数字标价嘅时候，就唔好讲价啦，因为呢D数字都係有吉利含义嘅。

     “讨口彩”嘅植物摆设

     除咗财神之外，近年嚟都兴起咗好多有吉祥寓意嘅植物摆设，好似“五代同堂”“大吉大利”等等，因为佢哋既美观，养植方便又唔使点费心思打理，所以喺花街上都好受市民欢迎噶。

     寓意好运嘅装饰摆设物

     有好运寓意嘅除咗有植物摆设之外，仲有装饰摆设物噶。最近几年新兴起一D有趣又富有好运寓意嘅装饰摆设物，譬如真係用竹编嘅猪笼，寓意“猪笼入水，银纸装晤晒”，仲有其它可爱得意嘅公仔装饰物件。

     年花

     过年行花街，买年花都係必不可少噶啦!富贵竹象征招财，金吉象征大吉大利，桃花象征来年行个桃花运，鸿运当头象征从头旺到尾……沾D花香瑞气，去去晦气，来年肯定大吉大利，富贵平安!

     忌

     买

     行花街应该买D乜大家都知道啦，不过不适宜买D乜你哋又知唔知呢？原嚟过年行花街，喺买嘢上都有讲究噶。

     鞋

     鞋喺粤语里面係“唉”嘅谐音，普通话里面係“邪”嘅谐音，所以无论喺南方定係北方，都唔适宜作为花街买卖嘅物件噶。

     伞

     伞係“散”嘅谐音，新年流流，都唔适宜买伞返屋企，避免出现分手或者离散。

     来历不明嘅石头及古董

     尽管宜家市面上有好多观赏性嘅石头以及古董，但係其实都属于容易招邪灵附着嘅物件，有D睇似係观赏石，但係上面好可能附着邪灵，过年最好唔好买。

     刀具

     过年买刀具，分分钟会将自己嘅桃花运同好运势斩断!无论係厨房用嘅刀具定係玩具刀具，过年最好都唔好买。

     人形公仔及面具

     布娃娃同人状嘅物件譬如面具等都属于小人，放喺屋企容易招回邪灵，容易带来不安。虽然唔一定每一只都係噉，不过过年都係避忌D好。

【特别声明】部分图片来源于网络，版权归原作者所有!