属于广州原创嘅本土红人，唔知道佢乜名嘅你都绝对有见过！！
2015/3/24 广州笋嘢益街坊

    

     係人都知道，广州好多人，而且出名嘅人都好多。不过你仲记唔记得广州，其实係广州都有好多街头名人，佢哋唔一定出现係电视、报纸上边，但係佢哋绝对係你係行街嘅时候有撞到过。你话我讲边个？你睇落去就知道啦!

     1、恩宁路花裙阿叔

     恩宁路嘅花裙大叔，相信住係西关果边嘅小伙伴都唔会唔知道佢嘅存在。日日唔同款式嘅“时尚”花裙着係身，无论係乜时节，都会见到佢特出嘅花裙装扮。当然，大叔嘅搭配功力唔差，一条花裙配上简单嘅配饰，总係让人一见难忘。

    

     2、宝业路炒螺明

     炒螺明呢个名相信係广州绝对係无人不知无人不晓，作为宵夜档嘅传奇人物，年逾四旬，常年係广州各大宵夜档中，以女装妖艳造型唱歌卖螺。只要你买佢炒嘅石螺，佢会送你一首改编自流行歌的粗口歌、咸水歌，听过嘅人无不笑到肚疼。

    

     3、流线前线犀利哥

     经常係流前地王附近出没嘅广州版犀利哥，后脑勺上顶着前卫的一撮卷毛，大眼睛活泼精灵，唔少人会话佢似刘以达、詹瑞文、黄秋生等好几个大明星。唏嘘嘅须根，凌乱嘅头发，销魂嘅眼神，惆怅嘅样，前卫嘅衣着，大袋嘅搭配，呢一切都係拾荒男人所发出嘅味道!

    

     4、大德路风筒辉

     一个风筒吹出风筒辉一个大名，几多广州人为咗一睹风筒辉嘅芳容，特意到风筒辉常年驻扎嘅烧烤档食宵夜。一个风筒吹出风筒辉嘅大名，宜家出咗名嘅风筒辉继续佢嘅风筒神技，以一个风筒走遍广州烧烤界。

    

     5、北京路骗子皇帝

     行过路过北京路附近，你有冇见到一个成日着住皇帝衫嘅中年啊叔呢？呢个阿叔唔单只中意着住皇帝衫周街走，而且仲好中意踩住部单车四围去，冇人知道佢係咩人係边到嚟，但係就肯定知道佢中意扮皇帝。

    

     6、中山学院书生哥

     相比起上边讲到嘅几位名人，呢个名人嘅年纪就真係同我哋好接近。作为80后嘅书生哥，成日中意着住汉服四围去。现时作为武术教练嘅书生哥，依然中意着住汉服四围去，宣传汉服。

    

    

    http://www.duyihua.cn
返回 广州笋嘢益街坊 返回首页 返回百拇医药