全新升级！全场7折优惠！食够3次仲有1蚊一煲牛杂煲/鸭翼煲！买单低至10蚊食到饱，老板任性到冇朋友！
2015/4/1 广州笋嘢益街坊
豆丁妹/文 莱斯利/图
最近豆丁妹听小伙伴讲，係海珠区前进路嘅超平嘅火锅店——板将，最近进行全新升级，首次进店消费就有7折，第二次进店消费有5折，第三次消费就可以以1蚊鸡食超足料嘅牛杂煲/鸭翼煲。咁抵食，作为食货嘅我又点可以唔去啊，一于拉埋小伙伴一齐去先。
呢到嘅环境虽然唔似出边果的D餐厅咁装修得好精致，但係人与人之间嘅位置好阔，唔使惊行坐係到食嘢果阵会俾人笃背脊。
搵啱位置，係时候要落单啦。既然食三次就有1蚊一个煲，咁就梗係要食多几种唔同味嘅火锅啦!呢到火锅有牛杂煲、鸭翼煲、麻辣煲、药材煲4种煲选择。而今日，我哋几个就点咗新推出嘅鹅掌亦煲嚟试试啦!
古法秘制鸭翼煲
本以为做特价嘅火锅好少嘢，点知上台嘅成品真係吓到我。原只鸭翼煲，分量好足。口感唔错，香滑，入味。鸭翼煮得越耐味道越好，简直香入骨髓，食到后面竟然会越吃越想食，筷子夹住食总觉唔过瘾，干脆用手抓着鸭翼细嚼慢咬先叫痛快，而且可以连骨头一齐咬碎，大叫过瘾。
鸭翼被卤得好入味，轻轻一咬就已经可以将D肉从骨头上边分离出嚟啦!
秘制牛杂锅
除咗鸭翼煲，呢到仲有超足料嘅秘制牛杂煲。呢到嘅牛杂份量好足，香浓嘅酱汁将牛杂煮到好入味。
牛肠、牛肚、牛蒡、牛肺……统统有得俾你食，用呢D汁嚟打锅绝对食到你停唔到口。
差D唔记得讲，板将嘅火锅加嘅汤底，全部都係经过大厨精心熬制出嚟嘅苹果竹蔗猪骨汤，清甜嘅味道用嚟打火锅，绝对发挥出所有火锅材料嘅清香味道。
当然啦，一个煲係满足唔到我哋呢D食货嘅胃嘅，我哋当然要试D呢到嘅特色嘢啦!只要係菜单上边“√”一“√”你想食嘅嘢，交俾店员就可以等食啦!
当然啦，话明呢到食嘢抵食夹大件，所有散点嘅材料当然都係大大份。你睇下呢D肥牛切得几厚身就知道啦，係出边食火锅边到有咁厚身嘅肥牛食啊。肥牛入口即化，吸收埋煲嘅鲜味，一个字“正”。
嚟到呢到，一定要试试呢到嘅招牌手打丸啊!猪肉丸、牛肉丸、鲮鱼丸每日都由专人手打而成，食起身绝对够爽口弹牙。
讲到特别，呢到仲有出边好少食到嘅芝士云吞。
一粒粒嘅芝士同柔滑用云吞皮包住嚟煮，係煮嘅过程中吸收咗浓浓嘅火锅汤底，食起身不单只有浓厚嘅酱汁味，而且仲有好香嘅芝士味添。
食得火锅，当然唔少得酱料啦!差唔多20种嘅酱料放係到俾你自己选择，想食咩就拿咩，只要自己中意就得!
除咗火锅，呢到仲有铁板烧食!只要你选好要嘅食材，就有专人帮你烤埋，唔使搞到自己成身油烟味。
既然有专人烧俾你食，我哋几个食货当然唔会放过啦。
马蹄肉饼/韭菜鱼饼
板将自家手制嘅肉饼同鱼饼，食起身够晒爽口弹牙。
板将鸡翼
腌制过嘅鸡翼煎过之后够晒香口，鸡肉嫩而不老，食起身好入味，要人一只一只停唔到口咁食。
秘制鱿鱼圈
经过秘制嘅鱿鱼煎过之后够晒爽口弹牙，因为腌过嘅关系，所以唔使点酱料食就已经好入味。
中意食凉拌嘅，呢到都有得俾你选择，四种唔同口味，总有一个係你爱。
食火锅又点可以唔饮D嘢呢!6蚊一位嘅畅饮就啱晒你!有冻有热、有汽水、有茶类，总有一款啱晒你。
係到食嘢，老细仲好细心。係餐后仲会送果盘，啱晒饭后清肠胃。
除咗呢D，当然仲有其他好食嘢啦!不过由于豆丁妹我个肚容量有限，剩低嘅美食就要等下次再嚟试过啦!不过有1蚊一煲火锅食，再加散点，人均都只不过係20+，咁抵食，真係日日去食饭都得啊!
笋嘢益街坊：
1、顾客第一次进店消费，享受7折优惠。并送上积分卡一张。
2、顾客凭积分卡第二次，即刻享受5折优惠，并积分。
3、顾客凭积分卡第三次，即可享受1蚊一煲火锅(牛杂煲、鸭翼煲、药材煲、麻辣煲4选1)
店名：板将
地址：海珠区前进路15号1楼
电话：020-89574916
营业时间：5:00PM-1：00AM
人均：20蚊+
认住呢个门口，见到招牌直入就到啦!!唔使上二楼哦!!
http://www.duyihua.cn
返回 广州笋嘢益街坊 返回首页 返回百拇医药