神级出品嘅水蟹粥同石磨布拉肠，你试过未？
2015/4/10 广州笋嘢益街坊
未食过肠粉，都唔好意思话自己係一个合格嘅广东人。肠粉对于我哋嚟讲，除咗係可以饱肚嘅美食之外，仲係一份充满人文气息嘅老广情怀。
广州嘅肠粉店可以话係遍布街街巷巷，从唔起眼嘅食肆茶市，到五星级嘅高级酒店，几乎都有供应。而小编我，就更加钟意去嗰D有个性嘅肠粉店，体验最浓郁嘅街坊情，品尝最地道嘅肠粉味。
位于江南西路嘅呢间冠记肠粉专家，一直执着于用传统制法嚟做拉肠。
肠粉
将米浆用石磨经过多次研磨，直至幼滑如奶，保证到米浆嘅幼滑细嫩，唔起颗粒，做出嚟嘅肠粉，先至会薄如蝉翼，顺滑如丝噶。
肠粉阿姨对于布拉肠呢门技艺非常熟手，铺上肠粉布，整平，涂油，上浆，加料……动作好迅速，睇到我眼都花埋。
冠记嘅肠粉有好多种馅料，除咗有常见嘅韭菜鲜虾肠、牛肉肠、猪肝肠、鸡蛋肠……仲有好多充满新鲜感嘅特色肠粉，好似牛腩肠、鸡翼肠……好有新意。
韭菜鲜虾肠
白雪雪、滑溜溜，用嚟形容冠记嘅肠粉最适宜不过。上嚟嘅肠粉真係好似布丁咁靓，粉粉嫩嫩，晶莹剔透。
冠记嘅鲜虾肠唔止多虾，而且虾仁仲好大只添!皆因佢哋係用大大只嘅生拆九节虾噶，虾味好浓郁，食落鲜爽弹牙。
粉嫩幼滑嘅肠粉，加上鲜虾仁同韭菜嘅美味，捞匀豉油汁嚟食，细腻丰润，真係好满足。
牛腩肠
咁大个女，牛腩面、牛腩粉就食得多，牛腩肠就真係未听过。冠记嘅呢个牛腩肠，牛腩多到balala，睇到都流晒口水。
牛腩係冠记自己秘制嘅，牛腩食落口唔会觉得成阵香料味，而係稍微清淡嘅牛肉香味，唔会喧宾夺主，更能衬托出肠粉嘅滋味。
粥
除肠粉之外，冠记仲擅长粥品。行内普遍嘅做法係：大火煮滚预先制作好米沙，再添加适量嘅味精鸡精。但冠记冇使用呢种速成法，恰恰相反，冠记上善真味般嘅明火白粥，通过试食上百种香米，再结合各种米嘅特质，优选配搭顶级泰国香米，加入瑶柱、鸡壳、骨筒等经大师傅每日凌晨明火熬制数小时制作而成嘅。由于冇添加任何人造食粉，冠记嘅白粥係点食都唔会有口渴感觉噶。
皇牌水蟹粥
镇店之宝嘅係皇牌水蟹粥。澳门水蟹粥就够晒出名啦，但个人认为“冠记”嘅水蟹粥做得更加出色。落足7-8两重嘅生猛水蟹，蟹膏融入粥底，更加鲜甜。师傅好贴心，将蟹钳预先敲碎，所以食嗰时轻微掰开即可。
水蟹粥好大碗，分量好大，2-3人食都冇问题。食起身粥好鲜甜，蟹膏嘅油煮到渗透晒入去粥底里面，食一啖，满口都係蟹嘅鲜味。
招牌艇仔粥
鱼片、浮皮、鸭丝、叉烧、蛋皮、花生等数种食材融为一体，足料丰富。
手磨胡椒猪肚粥
用原粒海南胡椒经人手磨成粉状，加埋猪肚，口感富有层次。
一碗落肚，胡椒嘅辛辣零舍暖胃，食完暖笠笠。
配粥又点可以少佐一孖油炸鬼。想要炸出一条外酥内软嘅油炸鬼，用油同面团至关重要。
冠记嘅油炸鬼，选用优质土榨花生油，面团唔用化学添加剂，采用传统发酵工艺，炸完脆卜卜，色泽金黄，滋味可口。
就係呢条油炸鬼，4蚊1条，日均销量数百条，冇乜嘢原因，就係因为份量超大，而且采用传统发酵工艺，无添加臭粉等其他化学原料，坚持每日更换炸油，够健康好味!
横切面好靓，食落外脆内软，唔会觉得油腻，香脆又有些少烟韧，的确可以话係全广州至贵但係至好味嘅油炸鬼!
超值套餐
宜家冠记仲推出闲时超值套餐，凡係点水蟹粥，只要加多2蚊，就可以多一份价值13蚊嘅瑶柱生菜啦!呢个套餐适用于下午茶同宵夜时段。
瑶柱生菜
小编总结
今时今日，食一碟滑嫩嘅肠粉，叹番碗地道嘅靓粥，可以话係老广们最基本而又奢侈嘅享受。唔係单单为咗医肚，更加係想体味呢份属于我哋嘅广州情。冠记，一间保留住对传统石磨布拉肠热爱同执着嘅肠粉专家，初衷只係为咗珍惜食物嘅原始美味。唔怪得，呢度可以日日客似云来。
优惠信息
闲时套餐：皇牌水蟹粥(价值￥68)+瑶柱生菜(价值￥13)=70蚊(立省￥11)；套餐适合3-4人食用。适用时段：13:00-17:00；20:30-24:00。
冠记肠粉专家
地址：海珠区江南西路69号之3(骨伤科医院路口)
电话：020-84411855
营业时间：7:00——00:00
交通指引：地铁二号线江南西站A出口江南新地K出口即见
微信公众号：GJCFZJ
http://www.duyihua.cn
返回 广州笋嘢益街坊 返回首页 返回百拇医药