90%广州人都唔知嘅鬼节禁忌！张家辉林峰大谈撞鬼经历！今晚鬼门大开，你准备好未？
2016/8/15 广州笋嘢益街坊
今晚12點過咗就係鬼門開
民間傳說只要係凌晨十二點
企系客廳原地360度自轉三圈
跟住出盡你既力氣
燃燒你既生命 大嗌三次
出嚟 出嚟 出嚟
之後....
你老母就會出嚟打你
你老豆都會
好啦笑就讲完啦
宜家讲翻D严肃嘢
今晚子时(晚上11点~1点)就系农历嘅七月14日
系俗称『鬼门关』大开嘅日子
据说从农历七月初一“鬼门关”开启起
到三十日“鬼门关”关闭这段日子里
阴间的无主孤魂都会涌到阳间
徘徊于任何人迹可到的地方找东西吃
而“鬼节”都系“鬼月”里阴气最重嘅一天
所以系呢个时候系特别容易撞到老友记
一定要知道
呢一日要注意D乜禁忌
完整视频
▼
之前有讲林峰系tvb嘅电视城度出事
其实tvb嘅电视城长期不见天日
尤其系密封嘅录音厂阴气真系极重
连阳刚气十足嘅郑伊健都濑嘢
一直好中意玩嘅郑伊健，有次约左一班幕后人员，系黄昏时间系电视城打野战，当时8个大男孩系民初街上面攞住屋企打闹，玩左一个几钟之后结束。
结束之后领队嘅郑伊健数人头准备分车离开，但系佢数来数去都系9个人，当时有人以为佢玩嘢，但系见到郑伊健一面严肃，其中一个人就帮伊健再数一次。点知同样都系9个人，之后大家唔敢深究就呐呐声走佬
除了贪玩出事
伊健试过一次疑似女鬼索命
当时佢啱系录影厂度等埋位，等嘅期間就训系地毯上面休息，突然有盏灯系高处跌落嚟，仲要正正跌系佢身边!
伊健事后话︰「发生意外之后，有位阴阳眼嘅同事话之前见到嘅穿小凤仙妆女人坐系灯槽上面，燈冇整伤我，可能佢同我玩啦，不过我以后入厂都唔敢唔拜神!」
『张家辉』
张家辉话曾经系清水湾电视城遇上口哨鬼。
事发系半夜嘅时候，当时佢系四厂赶拍剧集《骗中传奇》，突然全部人听到厂內居然穿出口哨声，即使系拍摄期间都一直都未停过，但系拍完之后再睇重播，居然又听唔到之前嘅口哨声，搞到在场嘅人都毛骨悚然。
其实清水湾嘅鬼故又真系多不胜数
但其实最多人听过嘅系关于奶茶婆婆嘅故仔，地点系6号厂嘅同一间女厕!
有工作人员话去厕所嘅时候居然有人敲门，突然有个婆婆把声问：「你饮唔饮奶茶啊？」工作人员以为係同事开玩笑，跟住好愤怒咁叫左一声：「咪玩啦!」
之后佢跟同事倾翻呢件事，跟住有位警卫哥哥讲：「又饮奶茶？之前有个夜班同事当值时都有个婆婆走嚟问佢饮唔饮奶茶，夜麻麻人影都冇只，边度会有婆婆、边度有奶茶啊，个同事醒目知道自己撞鬼，咪好礼貌咁拒绝咗佢咯!」
『吴卓羲』
吴卓羲曾经系男休息室遇到怪事，系2003年嘅时候：「当年拍《英雄?刀?少年》，以为赶戏日接夜咁拍，我同成班训练班嘅同学都系休息室度训觉。
点知训训下，隔离嘅同事突然讲嘢，好似鬼食泥咁，但听唔明佢up乜，最恐怖嘅係佢把声变咗第二個人把声，跟住其他人都俾佢吓醒，成班人惊到走佬!」
后来去佢又话：「我曾经都听过过有同事话曾经系凌晨嘅时候，喺男休息室见到个七、八岁嘅细路女，问佢点解系度，个女仔冇应，其实无线规定系夜晚11点前，所有童工都要离开。后来就传出男休息室有『小朋友』。」
『森美』
森美话自己都曾在深夜节目《架势堂》中撞鬼!
之前系节目中，小仪接到听众电话，对方正准备分享遇鬼经历嘅时候，电话中突然传出一把哀怨嘅女性叹息声，但系呢位听众坚称当时屋企得自己一个，并冇听到任何声音，一向转数好快嘅森美都吓到惊惊!
事件搞左近兩分既钟，森美突然播歌避开话题。当歌播完嘅时候，森美率先开声道歉话︰「有怪莫怪，细路仔唔识世界，今次真係有排惊。」
『杨怡』
杨怡话细个过时有一次夜晚独自坐巴士返屋企，途径沙田嘅时候，因为红灯架巴士停低咗，呢嘅时候佢望出窗外面街道上，竟然有个汽水罐竟然直立式咁弹下弹吓下!
仲要每次都弹到好高，有成两三尺!啱开头佢以为有人用线扯住个罐，但系睇清楚之后先知道一定冇可能，因为附近都冇建筑物，成条街当时根本冇人!
而系今年五月嘅时候，系节目《恐怖在线》中，有个住系大埔比华利山嘅女听众同爆料，话之前系果个位置见到啱新婚嘅罗仲谦部车嘅车顶见到兩个灵体，听到都背寒
女听众话：当日佢於下午五点半左右坐车翻大埔比华利山寓所，落车之后见到罗仲谦座架，停系之前佢听到有怪声嘅桌位，原来系当时罗仲谦部车死火。
最初见到对方车顶有两个怀似胶公仔嘅嘢，但系仔细D睇，就见到两个着白色裤冇衫嘅公仔，仲要同佢挥手，女听众即刻吓到走佬!形容兩個公仔似外国真人公仔，日光日白唔係咁猛啊嘛!？
『姚子羚』
姚子羚都试过开工嘅时候撞鬼︰「有一日拍《栋督神探》拍到半夜，当时化妆间除咗我之外，仲见到一个着灰色T恤长发女仔，低住头坐喺化装间嘅一角，刹眼睇佢唔似艺员，又唔似化妆间阿姐，以为係生面口临时演员。
我冇理就训左一阵，突然感觉到阴风阵阵，突然扎醒，跟着我支唇彩跌喺佢附近，我去执果时居然见唔到佢只脚唔，起初我以为佢双脚系缩左系张凳上面，我睇真D，先发觉佢唔单单系冇脚，仲要个样系睇唔清五官。吓到我即刻跑去走廊阳光猛嘅地方，捻翻起都好惊咯」
『关楚耀』
关楚耀未入行前，有一次同屋企人去夏威夷旅行，去到酒店房见到挂左好多土人面具，因为当时妈妈同妹妹都被吓亲，所以就将面具攞左落黎。
本来都冇咩事嘅，不过去到晚上冲凉过时，就睇到有D影行来行去!第二日佢同妹妹都病咗，所以怀疑过D面具系攞嚟辟邪，拿落嚟之后就有鬼怪作怪!
跟住佢又话自己平时冇戴护身符，不过都会戴D金嘅装饰物辟邪
『陈锦鸿』
多年前佢拍剧集嘅时候，多次遇到无法解释嘅怪事。
有晚凌晨，佢如常系电视城开工，由于个厂个位比较入，硬系令人有D阴森嘅感觉。当晚佢只係拍摄一场好简单嘅文戏，对白唔系复杂，偏偏成晚食螺丝，NG左多次!
到监制唐基明第二日睇重播嘅时候，却发现之前一晚所拍嘅片段，全部只有画面，演员讲对白嘅声完全冇晒!反而得一把阴森女声，仲唱住类似似《等着你回来》嘅老歌。
呐听听埋埋咁多
七月十四记住唔好咁嘢出街啦
http://www.duyihua.cn
返回 广州笋嘢益街坊 返回首页 返回百拇医药